Dagaalyahanada TPLF ayaa dib ula wareegay Magaalada Lalibela ee dalka Itoobiya, wax ka yar laba toddobaad markii ay ciidamada dowladda iyo xulafadoodu la wareegeen
Goob-joogayaal la hadlay Wakaalada Wararka ee Reuters ayaa sheegay in ciidamada sida gaarka ah u tababaran ee gobolka Axmaarada iyo maleeshiyaadka isbaheysiga la ah oo labaduba gacan saar la leh dowladda Itoobiya ay ka baxeen magaalada Lalibela, iyagoo aan dagaalamin.
Ciidamada taabacsan kooxda TPLF ayaa magaalada la wareegay horraantii bishii Ogosto, balse 1-dii bishan December, ciidamada Itoobiya iyo xulafadooda gobolka Axmaarada ayaa dib u qabsaday.
Lalibela oo ah magaalo ay Qaramada Midoobay u aqoonsan tahay xarunta dhaqanka ayaa ku taal gobolka Axmaarada.
Xafiiska Shabakada Allbanaadir.com
Muqdisho Somalia
Allbanaadir@live.com
