Ciidamo ka tirsan kuwa difaaca Puntland ayaa howlgalo qorsheysan ka fuliyey Buuraha gobolka Bari halkaasoo ay farsiimo ku leeyihiin xoogag taabacsan Al-Shabaab
Waxaa howlgalkan fuliyey ciidamada daraawiishta kuwa Birmadka iyo ciidanka ilaalada xeebaha ee PMPF, iyadoo degaanada laga sameeyey ay ka mid yihiin gaar ahaan dhagax dhaabuur iyo meelo u dhow deegaanka Madarshoon.
Howlgalka ayaa saaraakiisha hoggaamineysay waxay sheegeen in Bartilmameedku ahaa saldhigyo ay Al-Shabaab ku lahaayeen godod ku yaalla buuraha dhexdood.
Sidoo kale saraakiishu waxaa ay sheegeen in howlgalka ay kula wareegeen Ciidamada dhamaan goobihii ay howlgallada ka sameeyeen, ayna ka saareen Al-shabaab.
“Howlgalka weli waa socdaa, mana jiro wax khasaaro ah oo ka soo gaaray Ciidamada, caddowgana waala baacsanayaa” ayuu yiri sarkaalka.
Xafiiska Shabakada Allbanaadir.com
Muqdisho Somalia
Allbanaadir@live.com
