Qoyska laba walaallo ahaa oo xalay lagu dilay magaalada Muqdisho ayaa dalbaday cadaalad, waxayna go’aansadeen inaan la aasin labada marxuum ee ku baxay gacanta ciidamada dowladda.
Zakariye Maxamud Xuseen Kalafoge iyo walaashiis Sowdo Maxamud Xuseen Kalafoge ayaa la dhigay Isbitaalka Somali Sudanese waxaana halkaas kula hadlay warbaahinta eheladooda oo sheegay in Meydadka labada Marxuum aan la aasi doonin inta cadaalada laga horkeenayo kuwii dilay.
Cabdirashiid Maxamuud Xuseen Kalafoge oo la dhashay marxuumiinta la dilay oo ay murugo ka muuqato ayaa sheegay labada walaalaha loo dilay si bareer ah aysana jirin cid ay wax ka galabsadeen
Qoyska ayaa Madaxda dowladda Federaalka, Maamulka Gobolka Banaadir ka dalbaday inay qaadaan tallaabo cadaalada lagu horkeeno Askartii ka dambeysay Dilka loo geystay Zakariye iyo Sowdo, waxayna ku eedeeyeen hay’adaha Amniga inaysan ilaa hadda la soo xiriirin, wax tallaabo ahna qaadin.
Xafiiska Shabakada Allbanaadir.com
Muqdisho Somalia
Allbanaadir@live.com
