Qoraal kooban oo xalay hey’adda Nabad Sugidda iyo Sirdoonka Qaranka ee NISA ku baahisay barteeda Twitterka ayaa lagu shaaciyey in 12 xubnood oo ka tirsanaa Al-Shabaab ay Muqdisho ku dileen ciidamada ammaanka.
“Howlgal gaar ah ayaa caawa lagu beegsaday 15 sargaal oo Maafiyada AS u qaabilsanaa khalkhal-gelinta Amniga caasimadda Muqdisho. Waxaana ku dhintay 12 ka mid ah Argagixisada. Waa waajib qaran ilaalinta amniga iyo badbaada umadda Soomaaliyeed,” ayaa lagu yiri qoraalka NISA.
Laguma kala cadeyn qoraalka in la qabtay iyo inay baxsadeen 3-dii xubnood ee kale, maadaama bartilmaameedku ahaa 15 xubnood sidoo kale qoraalka laguma xusin goobta iyo degmada uu ka dhacay howlgalka.
Xafiiska Shabakada Allbanaadir.com
Muqdisho Somalia
Allbanaadir@live.com
