Sacuudi Arabia ayaa xaqiijisay kiiskeedii ugu horreeyay ee Omicron COVID-19 oo ka yimid waddan ku yaalla waqooyiga Afrika.
Wakaaladda wararka Sacuudiga ee SPA ayaa werisay in Wasaaradda caafimaadka boqortooyada, ay go’doomisay qofka laga helay iyo dadka la xiriiray.
Waa kiiskii ugu horreeyay ee noocyada Omicron ee laga soo sheego Bariga Dhexe iyo Waqooyiga Afrika. Wasaaraddu waxay sheegtay in qofkaasi uu u dhashay Sacuudiga, kana soo safray dal ku yaalla Waqooyiga Afrika, iyadoo aan faahfaahin dheeraad ah laga bixin.
Ururka Caafimaadka Adduunka (WHO) ayaa Isniintii ka digay in kala duwanaanshaha Omicron Coronavirus ee aadka isu beddelay ay u badan tahay inuu ku faafo caalamka oo uu keeno khatar aad u sarreeya oo ah infekshannada kor u kaca oo ku yeelan kara cawaaqib xun meelaha qaarkood.
Wasaaradda Sacuudiga ayaa dadka ku boorisay inay dhameystiraan talaalka waxayna ku amartay dadka safarka ah inay ixtiraamaan gooni-u-goynta iyo xeerarka baaritaanka.
Omicron ayaa markii ugu horreysay laga soo sheegay 24kii Nofambar dalka koonfurta Afrika, Waxaana tan iyo markaas uu ku faaftay in ka badan toban waddan, kuwaasoo qaar badan oo ka mid ah ay soo rogeen xannibaado socdaal.
Japan ayaa Isniintii ku biirtay Israel iyo Morocco oo iyagu sheegay inay gabi ahaanba xirayaan xuduudahooda.
Xafiiska Shabakada Allbanaadir.com
Muqdisho Somalia
Allbanaadir@live.com
