Dagaalyahano katirsan Al Shabaab ayaa weerar culus oo isugu jiray madaafiic iyo mid toos ah ku qaaday saldhigyo ciidan oo kuyaala magaalada Baydhabo ee xarunta KMG ee maamulka Koonfur Galbeed.
Weerarka Al Shabaab ayaa ku bilowday madaafiic ay ku garaaceen saldhig ciidamada Itoobiya ku leeyihiin magaalada Baydhabo, waxaa sidoo kale madaafiicda kadib la maqlayay rasaas toos ah oo la is weedaarsanayay.
Ciidamada Itoobiya ayaa dhankooda madaafiic culus ku garaacay aaga laga soo weeraray, lamana oga khasaaraha ka dhashay madaafiicda la is dhaafsaday iyo rasaasta toos ah ee ka dhacday.
Dagaalyahanada Al Shabaab ayaa sidoo kale weerar toos ah ku qaaday saldhig ciidamada booliiska maamulka Koonfur Galbeed ku leeyihiin magaalada Baydhabo, iyana lama oga khasaaraha ka dhashay weerarkan.
Weerarkan Al Shabaab ku qaadeen magaalada Baydhabo ayaa imaanaya xili amaanka magaaladaasi si weyn loo adkeeyay ayna ka socdaan doorashada Xildhibaanada golaha Shacabbka
Xafiiska Shabakada Allbanaadir.com
Muqdisho Somalia
Allbanaadir@live.com
