Ciidamada Nabad sugida Puntland PSF oo gadood sameeyey ayaa ka baxay qaar ka mid ah furumaha dagaalka ee ay ku hor fadhiyeen Al-shabaab.
Cutubyo ka tirsan Ciidamada Daraawiishta Puntland oo ku qalabaysan gaadiidka dagaalka ayaa caawa gaaray saldhiga weyn ee Sugurre kadib markii ay soo banneeyeen Ciidanka PSF.
Ciidankaas oo u badan cutubyo laga keenay Gobolka Mudug ayaa sida wararku sheegayaan isku fidiyay dhammaan goobihii ay ka soo baxeen Ciidanka PSF
Degaanka Sugurre oo ka tirsan buuraleyda Golis waxa saldhig weyn ku lahaa Ciidanka PSF oo halkaas ka fulin jiray weeraro lagu beegsado Al-shabaab, waxaana gadoodka ciidankan uu salka ku hayaa xilka ka qaadis uu taliyahooda ku sameeyey Madaxweyne Deni oo sidoo kale magacaabay taliye kale.
