Madaxweynaha xilka haya ee dalka Turkiga Recep Tayyip Erdogan ayaa mar kale ku guuleystay xilka Madaxweynaha dalkaasi markii Shacabka dalkaasi u doorteen inuu mar kale hogaanka qabto.
Codadka in ka badan 90% oo la tiriyey ayaa Recep Tayyip Erdogan waxaa uu helay in ka badan 53%, waxaana mar kale dib loogu doortay inuu dalka Turkiga sii hoggaamiyo, iyadoo natiijada rasmiga ah ay ku dhawaaqi doonaan Guddiga Doorashada.
Qaar ka mid ah Madaxda caalamka ayaa bilaabay inay u hambalyeeyaan madaxweynaha dib loo doortay ee Turkiga Recep Tayyip Erdogan, waxaana madaxdii ugu horeysay ee hambalyada u dirtay ka mida Amiirka dalka Qatar Tamiim Bin Hamad, Hoggaamiyaha Falastiin Maxuud Cabbaas, Madaxweynaha Somalia Maxamed C/llaahi farmaajo iyo madax kale.
Taageerayaasha madaxweynaha dib loo doortay ayaa bilaabay dabaaldegyo ay ku soo dhoweynayaan guusha hogaamiyahooda.
Xafiiska Shabakada Allbanaadir.com
Muqdisho Somalia
Allbanaadir@live.com
