Ra’iisul Wasaaraha Xukuumada Maxamed Xuseen Rooble oo uu wehliyo Madaxweynaha Galmudug Axmed Cabdi Kaariye ayaa kulan la yeeshay Guddiyada Doorashooyinka Heer Federaal iyo Heer Dowlad-goboleed, Guddiga Xallinta Khilaafaadka iyo Guddiga ilaalinta qoondada haweenka.
Kulanka ayaa diiradda lagu saaray bilaabista doorashada xildhibaannada Golaha Shacabka ee Baarlamaanka Fedeeraalka Soomaaliya ee lagu dooranayo deegaanada Galmudug gaar ahaan magaalooyinka Dhuusomareeb iyo Gaalkacyo.
Ra’isul Wasaare Rooble ayaa sheegay in marar badan dib u dhac ku yimaadeen doorashada Xildhibaanada golaha shacabka, waxa uuna faray guddiyada doorashada in sida ugu dhaqsiyaha badan ku bilaabaan doorashada Golaha Shacabka.
Doorashada Golaha Shacabka ayaa u muuqata mid jiitameysa oo culees badan ka jiro in si toos ah loo guda galo, waxaana dib u dhaca doorashada walaac xoogan ka muujiyay siyaasiyiinta mucaaradka gaar ahaan Midowga Musharaxiinta.
Xafiiska Shabakada Allbanaadir.com
Muqdisho Somalia
Allbanaadir@live.com
