Madaxweynaha dalka Kenya Uhuru Kenyatta ayaa galabta gaaray Magaalada Addis Ababa ee dalka Itoobiya.
RW Itoobiya Abiy Ahmed ayaa garoonka dayuuradaha Bole si weyn ugu soo dhaweeyey Madaxweyne Uhuru kenyatta.
“Walaalkeyga qaaliga ah madaxweyne Uhuru Kenyatta waxaa lagugu soo dhaweynayaa gurigaaga labaad,” ayuu ra’iisul-wasaare Abiy ku soo qoray bartiisa bulshada.
Booqashada Uhuru Kenyatta ayaa imanaysa xilli ay Itoobiya ka socdaan dagaal sii huraya oo u dhaxeeya kooxda TPLF iyo Xukumadda Abiy Ahmed.
Midowga Afrika iyo reer galbeedka ayaa Abiy Ahmed iyo TPLF ka dhex wada waan waan si xal looga gaaro dagaalka sanad jirsaday ee ka socda gudaha Itoobiya Inkastoo rajada laga qabo xabad joojin iyo wadahadal ay aad u yar tahay.
Xafiiska Shabakada Allbanaadir.com
Muqdisho Somalia
Allbanaadir@live.com
