Sargaal la sheegay in uu katirsanaa Xarakada Al Shabaab ayaa isku soo dhiibay ciidanka dowlada Soomaaliya ee ku sugan Degmada Qoryooley ee gobolka Shabeelaha Hoose, waxaana sargaalkaasi soo bandhigay saraakiisha ciidanka uu isku dhiibay.
Wakaalada Wararka u faafisa dowlada Soomaaliya ayaa baahisay in Maxamed Xasan Macalin uu Al Shabaab u qaabilsanaa Maxkamada degmada Kuntuwaarey, waxa ayna Wakaalada sheegtay in sargaalkan dadka ka qaadi jiray lacago baad ah.
Sargaalkan kasoo goostay Al Shabaab ayaa warbaahinta dowlada sheegtay in shacabka degmada Kuntuwaarey horey ugu hayay dhibaatooyin badan uuna ku baadi jiray sida ay tilmaameen magaca diinta Islaamka.
Dowlada ayaa dhawaan sidan oo kale usoo bandhigtay nin katirsanaa Al Shabaab oo isna sheegeen in uu kasoo goostay Al Shabaab, waxaana horey marar badan dowlada usoo bandhigtay saraakiil iyo dagaalyahano ay sheegeen in ay kasoo goosteen Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
