Guddiga Xalinta Khilaafaadka Doorashooyinka ayaa go’aan kama dambeys ah kasoo saaray dacwad laga gudbiyay Kursi Nambar #HOP239 oo dhowaan loo doortay Ra’iisul Wasaare Kuxigeenka Mahdi Guuleed.
Qoraal kasoo baxay Guddiga Xalinta Khilaafaadka ayaa lagu sheegay in hannaanka loo maray doorashada kursiga ay tahay mid sax ah oo waafaqsan Habraaca loo dejiyay doorashada dadban,.
Guddiga Xalinta Khilaafadaka Doorashada ayaa ku wargeliyay Guddiga doorashada heer federaal inay u fasaxan yihiin laga bilaabo maanta ku dhawaaqista natiijada kursiga nambarkiisa yahay #HOP239 .
Kursigan uu dacwad ka gudbiyay Xildhibaan Xuseen Carab Ciise oo horey ugu fadhiyay ayaa keenay in guddiga xalinta khilafaadaka hakiyaan shaacinta natiijada kursigan, waxaana baaris guddiga sameeyeen ugu dambeyn shaaciyeen in kursigan hanaanka loo maray uu sax yahay.
Halkan ka Akhriso Go’aanka kursigan kasoo saareen guddiga Xalinta Khilaafaadka.
Xafiiska Shabakada Allbanaadir.com
Muqdisho Somalia
Allbanaadir@live.com
