Jabhada TPLF ayaa guulo ka sheegatay dagaalo ay maalmihii lasoo dhaafay la galeen ciidamada federaalka Itoobiya, waxa ayna TPLF shaacisay in ay qabsadeen magaalooyin katirsan gobolada Amhaara iyo Anfar.
Dowlada Mareykanka ayaa ugu baaqday jabhada TPLF in ay si deg deg ah uga baxaan magaalooyinka ay ka qabsadeen gobolada Amhaarada iyo Anfar ee Dessie iyo Kombolcha, waxa ayna sidoo kale uga baaqeen in ay joojiyaan in ay kusii siqaan magaalooyinkaasi.
Mareykanka ayaana sheegay in ay ka walaacsan yihiin colaada ka aloosan gobolada Waqooyi ee Itoobiya , waxa ayna ugu baaqeen dhinacyada halkaasi isku haya in xasiloonida ka shaqeeyaan loona turo rayidka.
Jabhada TPLF ayaa sheegtay in ay qabsadeen magaalada Istaraatiijiga ee Dessie oo katirsan gobolka Amhaarada, waxa ayna jabhada qorsheeneysa in ay la wareegto magaalooyin kale oo kuyaala dhulka Amhaarada.
Xafiiska Shabakada Allbanaadir.com
Muqdisho Somalia
Allbanaadir@live.com
