Taliyaha ciidanka xoogga dalka General C/wali Xuseen jaamac Gorod ayaa tababar soconaya mudo sadex bilood ah waxa uu u furay cutub ka tirsan Ciidanka ururka 60Aad xooggga dalka.
Tababarkan ayaa loo furay ciidamo katirsan ilaalada xarunta Madaxtooyada Soomaaliya, waxaana ciidankan si gaar ah loo bari doonaa inta tababarka socda sida loo ilaalio Madaxda iyo sidoo kale Qasriga Madaxtooyada.
Taliyaha ciidanka xoogga dalka General C/wali Xuseen jaamac Gorod oo tababarkan si rasmi ah u furay ayaa Ciidamada kula daar-daarmay in ay ka faa’ideystaan Fursadan ay haleen, islamarkaana ay u hogaansamaan sharaakiisha bixineysa Tababarkan.
Waxa uu ugu baaqay Taliyaha ciidanka tababarka loo furay in aysan isticmaalin muqaadaraadka xiliyada ay shaqada ku jiraan, waxa uuna ka codsaday in ay si fiican uga faa’iideestaan casharada la siinayo.
Ciidamada ilaalada gaarka ah ee Madaxtooyada ee loo yaqaano Koofiya casta ayaa mudooyinkii dambe la kordhinayay, waxaa sidoo kale sare loo qaadayay tababarada la siinayo ciidankan oo shaqo muhiim ah u haya dowlada.
Xafiiska Shabakada Allbanaadir.com
Muqdisho Somalia
Allbanaadir@live.com
