Saraaakiisha Booliska Uganda ayaa sheegay in qarax habeenkii hore lala beegsaday bas uu ahaa is-miidaamin uu fuliyey nin ka tirsan kooxda ADF.
Waxaa weerarkaas ku dhaawacmay dhowr qof oo la socday buska la qarxiyey halka uu dhintay qofkii isqarxiyey.
“Weerarkaas qarax ismiidaamin ah ayuu ahaa oo qofkii fuliyey uu ku dhintay,” ayuu yiri afhayeenka booliska Fred Enanga.
Afhayeenka ayaa sheegay in is-miidaamiyaha uu ku jiray liiska xubnaha la raadinayo ee kooxda Xoogagga Isbaheystay ee Dimqoraadiyadda ama Allied Democratic Forces (ADF).
Qaraxa oo ka dhacay bas marayey meel u dhow caasimadda Kampala ayaa yimid laba maalin kadib markii qarax habeenkii Isniinta ka dhacay maqaayad ku taalla waqooyiga Kampala uu ku dhintay hal qof.
ADF, oo ah koox mucaarad ah oo taariikh fog ku leh Uganda, ayaa lagu eedeeyey dilka kumanaan qof oo ahaa shacab ku nool bariga dalka Congo DR.
Mareykanka ayaa kooxda ADF la xiriiriyay kooxda Daacish, iyadoo Booliska ugandha ay horey u sheegeen in weerarkii habeenkii Sabtida uu ahaa fal argagixiso, kooxda Daacish ayana markii dambe sheegatay.
Xafiiska Shabakada Allbanaadir.com
Muqdisho Somalia
Allbanaadir@live.com
