Jananka ugu sarreeya Sudan ayaa ku dhawaaqay xaalad deg deg ah, wuxuuna kala diray mas’uuliyiintii hoggaaminayey dowladdii rayidka ee ku-meel gaarka aheyd, isaga oo ku dhowaaqay dhismaha dowlad cusub.
Hadalka Jen. Abdel Fattah al-Burhan oo laga baahiyey taleefishinka ayaa yimid saacado kadib markii ciidamada ay xireen ra’iisul wasaare Cabdalla Xamduuk iyo wasiiro kale.
“Si aan u saxno waddada kacaanka, waxaan ku dhowaaqnay xaalad deg deg ah, waxaan kala dirnay golihii ku-meel gaarka ee qarannimada, waxaan kala dirnay golihii wasiirada,” ayuu yiri.
Dadku waxay isugu soo baxeen waddooyinka, iyagoo taayirrada taagaya oo dhisaya leyliyo jidadka si ay u xiraan iyagoo ka soo horjeeda tallaabada milateri, sida uu sheegay weriye ka tirsan AFP.
Xiisado siyaasadeed ayaa ka dhex jiray militariga iyo xukuumadda rayidka ah ee talada dalkaasi sida wadajirka u hayay tan iyo markii talada laga eryay madaxweynihii hore ee dalkaasi Omar al-Bashir.
Wasaaradda warfaafinta ayaa goor sii horeysay sheegtay in adeegyada internet-ka laga jaray dalka oo dhan, waxaana la xiray waddooyinka waaweyn iyo buundooyinka isku xira Khartoum.
Askarta ayaa xoog ku galay xarunta idaacadda dowladda Sudan oo ku taal magaalada Omdurman ee mataanaha la ah caasimadda, sida ay sheegtay wasaaraddu, iyadoo heeso waddani ah uu TV-gu baahinayay.
Xafiiska Shabakada Allbanaadir.com
Muqdisho Somalia
Allbanaadir@live.com
