Waxaa maanta magaalada Muqdisho gaar ahaan Isgooska Tarabuunka ee degmada Hodan ka dhacay banaan bax looga soo horjeeday dagaalka ka socda magaalada Guriceel ee gobolka Galgaduud .
Dadka banaan baxa dhigayay oo u badnaa haween iyo dhalinyaro ayaa laamiga ku gubayay taayaro waxa ay sidoo kale wadooyinka dhigayeen dhagxaan , banaan baxayaasha ayaana si weyn uga soo horjeeday dagaalka ka socda Guriceel.
Banaan baxayaasha ayaa ku dhawaaqayay ereyo ka dhan ah Madaxweynaha Soomaaliya Farmaajo iyo Madaxweynaha Galmudug ee Qoor Qoor, waxa ayna labadan masuul ku eedeeyeen in ay hurinayaan colaada ka aloosan magaalada Guriceel.
Qaar kamid ah dadka banaan baxa dhigayay ayaa dalbaday in dagaalka la joojiyo, waxa ayna sheegeen in xiligan uusan dagaal xal noqon karin loona baahan yahay in wax walbo lagu dhameeyo wadahadal iyo si nabdoon.
Banaan baxan ayaa intii uu socday sababay in wadada Tarbuunka oo aad u mashquulkan gaadiidka loo diido in ay isticmaalaan, waxa uuna banaan baxan imaanayaa xili maalintii sadexaad Guriceel ka socdo dagaal u dhaxeeya Ciidamada DF iyo kuwa Ahlu Sunna.
Xafiiska Shabakada Allbanaadir.com
Muqdisho Somalia
Allbanaadir@live.com
