Waxaa saakay mar kale magaalada Guriceel ee gobolka Galgaduud ka qarxay dagaal culus oo u dhaxeeya ciidamada dowlada federaalka Soomaaliya oo garab ka helaya kuwa Galmudug iyo ciidamo taabacsan kooxda Ahlu Sunna.
Dagaalka saakay ka socda magaalada Guriceel ayaa la isku adeegsanayaa hubka nuucyadiisa kala duwan, waxaana dagaalka uu ka socda agagaarka Saldhiga Guriceel iyo xaafado kale oo katirsan magaaladaasi.
Sida aan wararka ku heleyno dagaalka saakay dib uga qarxay magaalada Guriceel ayaa kusii fiday goobo hor leh oo magaalada katirsan, waxaana dhinacyada dagaalamaya qolo walbo dooneysaa in gacan ku heynta magaalada u harto.
Dagaalka ka socda magaalada Guriceel ayaa dhaliyay khasaaro badan oo isugu jira dhimasho iyo dhaawac oo labada dhinac soo gaaray, waxaana dadka dhintay ku jira saraakiil ciidan oo dagaalka hogaamineysay.
Xaalada magaalada Guriceel ayaana ah mid aad u kacsan, waxaana saakay halkaasi isaga baxay dadkii yaraa ee magaalada ku harsanaa kuwaa oo naftooda ku aamini waayay in magaalada sii joogaan.
Xafiiska Shabakada Allbanaadir.com
Muqdisho Somalia
Allbanaadir@live.com
