Qarax geystay khasaaro kala duwan ayaa ka dhacay Hoolka shirarka Xarunta degmada Ceelwaaq ee gobolka Gedo sida ay sheegayaan wararka halkaas naga soo gaaraya degmadaas
Qaraxa oo loo adeegsaday miinada lagu aaso dhulka ayaa xilliga uu ka dhacayay waxaa ku sugnaa goobta Ciidamo ka tirsan kuwa Maamulka degmada oo ku waxyeeloobay qaraxaas.
Goob joogayaal ayaa sheegaya in qaraxa ay ku dhaawacmeen laba kamid ah askarta goobta ku sugneyd, kuwaasoo la geeyay Isbitaalka degmada Ceelwaaq oo haatan lagu daweynayo.
Sidoo kale wararka ayaa sheegaya in qaraxan ay uu geystay burbur soo gaaray dhismaha xarunta maamulka iyo qalab kala duwan oo goobta yiilay.
Ceelwaaq waa degmada kaliya ee Gobolka Gedo ay ka joogaan Ciidanka Jubbaland, waxaana ku wehliya kuwa Kenya ee katirsan AMISOM.
Xafiiska Shabakada Allbanaadir.com
Muqdisho Somalia
Allbanaadir@live.com
