Dibad-baxayaal kumanaan gaaraya ayaa isugu soo baxay afaafka hore ee madaxtooyada caasimadda Suudaan ee Khartuum iyagoo ku dhawaaqaya ereyo ka dhan ah dowladda
Dadka ayaa ku eedaynaya dowlada waxqabad la’aan dhibaatada haysata dhaqaalaha.
Dibadbaxa ayaa waxaa ku baaqay siyaasiyiin lala xiriiriyay xubno sarsare oo ka tirsan milateriga oo diiddan nidaamka xukun madani ah loogu wareejinayo awoodda dalka.
Kooxda isugu jirta milateriga iyo rayidka ayaa waxa ay wadaagayeen awoodda labadii sanadood ee la soo dhaafay ee xigtay markii xilka laga tuuray madaxweyne Cumar Xasan Al-bashiir
Ra’iisul wasaare Cabdalla Xamdook waxa uu Jimcihii sheegay in Sudan ay dhibaato wayn ku dhexjirto, waxa uuna ku celceliyay sida ay uga go’antahay sidii loo heli lahaa qaabkii dalka lagu gaarsiin lahaa doorashooyin dimuqraadi ah.
