Masuul katirsan maamulka Degmada Kaxda ee gobolka Banaadir ayaa sadex qof oo shacab ah ku dhaawacay waax katirsan degmadaasi, waxaana dhacdadan si weyn looga hadal hayaa gudaha degmadaasi.
Cabdi Waduud Sheekh Maxamed Macalow oo ah guddoomiye ku xigeenka waaxda 1-aad Liiqliiqato ee Kaxda ayaa la sheegay in rasaas uu furay ku dhaawacmeen sadex qof oo shacab ah, dadka dhaawacmay ayaa qaarkood la sheegay in dhaawacooda culus yahay.
Masuulkan katirsan maamulka Degmada Kaxda ayaa la sheegay in biskoolad uu watay ku riday dad shacab ah , waxaana dadka ku dhaawacmay rasaastan oo qaarkood qeybo halis ah ka haleeshay loola cararay isbitaalo kuyaala Muqdisho oo lagu daweenayo.
Ciidamada booliiska ee ka howlgala degmada Kaxda ayaa gacanta ku dhigay masuulkan dadka shacabka ah dhaawacay, waxaana booliiska baaritaano ku bilaabeen falkan uu geestay Cabdi Waduud Sheekh.
Xafiiska Shabakada Allbanaadir.com
Muqdisho Somalia
Allbanaadir@live.com
