Madaxweynaha dalka Kenya Uhuru Kenyatta ayaa si adag uga soo horjeestay go’aanka Maxkamada Cadaalada Aduunka ee ICJ ugu xukmisay inta badan baddii ay isku heesteen Dowladaha Soomaaliya iyo Kenya.
Uhuru Kenyatta ayaa sheegay in aysan raali ka aheyn go’aanka kasoo baxay maxkamada ICJ ee Soomaaliya loogu xukmiyay badda lagu muransanaa, waxa uuna cadeeyay in xukunkaasi uu waxyeeleen doono xiriirka ka dhaxeeya labada dal.
Waxa uu sheegay Madaxweynaha dalka Kenya in go’aanka kasoo baxay Maxkamada ICJ uu isbaddel wayn ku keeni doonto horumarka dhaqaale iyo midka siyaasadeedba, ayna halis gelin doonto ammaanka gobolka Geeska Afrika.
Madaxweynaha dalka Kenya ayaana mar kale sheegay in arinta kaliya ee xalka looga gaari karo kiiskan badda uu yahay wadahadal iyo in is faham dhax maro labada dal balse go’aanka Maxkamada ICJ uusan waxba soo kordhineyn.
Hadalkan kasoo yeeray Madaxweynaha dalka Kenya ayaa imaanaya xili Maxkamada ICJ u xukmisay Soomaaliya inta badan biyihii lagu muransanaa, waxa ayna Maxkamada soo saartay xariiq cusub oo ah xuduud badeedka cusub ee labada dal.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/07Ex1nDD79g
