Xeebta magaalada Muqdisho gaar ahaan Xeebta Sugunta Liido ee degmada Shingaani ayaa maalmo kahor lagu arkay haan xiran oo looga shakisan yahay in ay ku jiraan walxo sun ama kiimiko ah.
Kaluumeesato iyo dadka deegaanka ayaa arkay haantan oo maalmo kahor kusoo caarisay xeebta, waxa ayna dadku bilaabeen in ay ka fogaadaan iyaga oo ka cabsi qaba in ay ku jiraan sun ama kiimo waxyeelana ay kasoo gaari karto.
Hay’adaha amaanka ee magaalada Muqdisho oo lagu wargaliyay haantan xeebta kusoo caarisay ayaan wali wax tilaabo ah qaadin, waxa ayna wali shacabka iyo kaluumeesatada wal wal ka qabaan haantan iyo wax ku jira.
Biyaha Soomaaliya ayaa noqotay meel aan cidna ilaalin oo lagu soo daadiyo Sunta iyo sidoo kale waxyaabaha Kiimikada ah ee Warshaduhu isticmaalaan, waxaana marar badan xeebaha Soomaaliya kusoo caariyay haaman waxa ku jira la garan waayay.
Xafiiska Shabakada Allbanaadir.com
Muqdisho Somalia
Allbanaadir@live.com
