Ra’iisul Wasaaraha XFS Mudane Maxamed Xuseen Rooble ayaa ka tacsiyadeeyey geeridii ku timid marxuum Dr. Maxamed Daahir Afrax oo ahaa Guddoomiyihii Akadeemiyad goboleedka Afka Soomaaliga oo caawa ku xijaabtay magaalada London.
“Waxaan Qoyskiisa, asxaabtiisii iyo guud ahaan Ummadda soomaaliyeed uga tacsiyeynayaa geerida Allaha u naxariiatee Dr. Maxamed Daahir Afrax, Guddoomiyihii Akadeemiyad goboleedka Afka iyo Guddiga dib u eegista Dastuurka” ayuu yiri Rooble
Marxuum Afrax waxa uu ahaa aqoonyahan iyo qoraa Soomaaliyeed ku xeel dheer afka iyo dhaqanka Soomaaliyeed, wax weyna ku biiriyay horumarinta dhaqanka iyo qoraalka Afkeenna hooyo.
Rooble ayaa alle uga baryey marxuumka inuu Jannadii Firdows ka waraabiyo ehelka iyo ummada Soomaaliyeedna sabir iyo Iimaan Allaha ka siiyo.
Xafiiska Shabakada Allbanaadir.com
Muqdisho Somalia
Allbanaadir@live.com
