Dagaalyahanada Al Shabaab ayaa fagaare kuyaala degmada Jamaame ee gobolka Jubada Hoose ku toogtay labo nin oo ay ku eedeeyeen dambiyo kala duwan kuwaa oo siyaabo kala duwan ay usoo qabteen.
Fagaaraha dilku ka dhacayay ayaa waxaa isugu soo baxay dadweynaha ku dhaqan Jamaame oo lagu wargaliyay fulinta xukunka dilka ah, waxaa sidoo kale fagaaraha joogay saraakiil iyo dagaalyahano katirsan Al Shabaab.
Qaadiga Maxkamada xukunka riday ayaa sheegay in labadan nin mid kamid ah uu ahaa askari katirsan ciidanka dowlada Soomaaliya halka midka kalana lagu eedeeyay in uu ahaa nin sixirka ku shaqeysta.
Al Shabaab ayaana sheegtay in baaris dheer kadib dambiyada lagu eedeeyay ay ku cadaatay Cabdullaahi Xassan Cumar oo lagu eedeeyay in uu ahaa sixiroole iyo Maxamad Mowliid Aadan oo isna Al Shabaab ku eedeeyeen in uu ka tirsanaa Booliiska Jubbaland.
Xukuno dil ah ayaa Al Shabaab horey ugu fulisay dad badan ay ku eedeeyeen in ay ahaayeen jawaasiis iyo kuwa katirsan dowlada, waxa ay sidoo kale Al Shabaab xukuno dil ah ku fulisay dad ay ku eedeeyeen in ay ahaayeen saaxiriin.
Xafiiska Shabakada Allbanaadir.com
Muqdisho Somalia
Allbanaadir@live.com
