Koox Dhaqaatiir ah ayaa nin u dhashay dalka Lithuania calooshiisa ka soo saaray in ka badan hal kiilo oo bir isugu jirta musumaar, boolal, iyo mindiyo.
Sawir ay soo wadaagtay warbaahinta LRT ee dalkaas ayaa muujinaya saxan ay ka buuxaan biro oo laga soo saaray caloosha ninkaas kaddib qalliin saddex saacadood qaatay.
Waxaa la ogaaday in Ninkan uu ayaa la sheegay inuu biraha liqayay muddo bil ah kaddib markii uu joojiyay mukhaadaraad uu isticmaalayay.
Biraha qaarkood ayaa looga soo saaray qalliin loogu sameeyay isbitaalka Klaipeda University Hospital, Ninkan ayay ambalaas isbitaalka keentay isagoo ka cabanayay xanuun daran oo caloosha ah. Waxaa la sheegay in haatan ay xaaladdiisu wanaagsan tahay, lagulana tacaalayo isbitaalka.
Sarunas Dailidenas oo ah dhaqtar qalliinka ku takhasusay ayaa sheegay in arrintani ay tahay mid yaab leh, iyadoo dad badan isweydiinayaan sida ninkan uu u liqay biraha qaarkood oo dhererkoodu gaarayo 10cm.
Xafiiska Shabakada Allbanaadir.com
Muqdisho Somalia
Allbanaadir@live.com
