Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 29 ee 2da October 2021, kuna saabsan isbedel lagu sameeyey maamulka Gobolka Nugaal.
Deni ayaa xilka ka qaaday gudoomiyihii gobolka Nugaal Cawil Axmed Jabuuti oo mudooyinkan safar ugu maqnaa dalka Maraykanka oo markiisii horeba uu ka yimid.
Sidoo kale, Deni ayaa Maxamuud Xassan Maxamed (Cawil Mataan) u magacaabay Guddoomiyaha cusub ee Gobolka Nugaal.
Guddoomiyaha cusub ee gobolka Nugaal Cawil Mataan ayaa ah ganacsade saaxadda siyaasadda ku cusub oo inta badan dibed joog ah.
Isbedelka lagu sameeyey Maamulka Gobolka Nugaal ayaa yimid, iyadoo maalmihii u dambeeyay magaalada Garowe ka dhacayeen falal amni daro.
Xafiiska Shabakada Allbanaadir.com
Muqdisho Somalia
Allbanaadir@live.com
