Magaalada Khartuum ee caasimada dalka Sudan waxaa ka dhacay dagaal u dhaxeeyay ciidamada Sirdoonka dalkaasi iyo dagaalyahano katirsan kooxda Khilaafada Islaamka ee loo yaqaan Daacish.
Qoraal kasoo baxay Sirdoonka dalka Sudan ayaa lagu sheegay in dagaalyahano katirsan kooxda Daacish dagaal kala horyimaadeen ciidamada Sirdoonka xili ay wadeen howlgal ka dhan ah, waxaana labada dhinac iska hor imaad ku dhax maray Degmadda Jabarat.
Sirdoonka dalka Sudan ayaa sheegay in dagaalka ay la galeen kooxda Daacish looga dilay shan sargaal oo katirsan Sirdoonka Sudan sidoo kale labo looga dhaawacay, waxa ayna dhankooda sheegeen in khasaaro gaarsiiyeen kooxda Daacish.
Qoraalka kasoo baxay Sirdoonka Sudan ayaa sidoo kale lagu shaaciyay inay Ciiddanka gacanta ku dhigeen 11 Dagaalamayaal Shisheeye ah oo ka tirsan Kooxda Daacish, halka ay 4 kalena baxsadeen, laguna raad joogo.
Xafiiska Shabakada Allbanaadir.com
Muqdisho Somalia
Allbanaadir@live.com
