Barta uu Facebooka ku lahaa Madaxweynihii hore ee dalka Afganistan Ashraf Qaani ayaa la jabsaday, waxaana bartaasi lagu daabacay qoraalo taageero loogu muujinayo kooxda Taalibaan ee la wareegtay Talada Afganistan.
Madaxweyne hore Ashraf Qaani ayaa qoraal uu soo saaray ku shaaciyay in laga jabsaday gacantiisana aysan ku jirin bartii uu Facebooka ku lahaa, waxa uuna dadka ku wargaliyay in aysan aragtidiisa aheyn waxyaabaha lagu soo qorayo.
Facebooka uu lahaa Madaxweyne Qaani ayaa lagu soo daabacay qoraal ku baaqayay Aqoonsiga iyo in la taageero Maamulka Taalibaan ee la wareegay maamulka Afganistan, waxaa sidoo qoraalka ku jiray in inaan la xayirin Hantida Reer Afganistan.
Madaxweynihii hore ee dalka Afganistan ayaa ku sugan dalka Imaaraadka Carabta oo magan galyo siyaasadeed siiyay, waxaana talaabadan lagu jabsaday Facebooka Qaani kusoo aadeysa xili Taalibaan raadineyso aqoonsi caalami ah.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/8dE3al_sYGY
