Maamulka Gobolka Banaadir ayaa saaka gebi ahaanba burburiyey dhismayaal ku yiilay Garoonkii Kubadda Cagta kooxdii LLPP Jeenyo oo ku yaalla degmada Yaaqshiid kaasoo la sheegay in si sharcidarro ah loo dhistay.
Burburintan ayaa daba socotay ka dib markii todobaad ka hor guddoomiyaha Gobolka Banaadir uu amray in dhismahaas laga guuro.
Duqa Muqdisho ayaa goobjoog ka ahaa goobta ay burburinta ka socotay waxaana uu sheegay in dhismahaas uu ahaa mid sharci darro ah ayna burburin doonaan dhismeyaasha la mid ah oo laga dhistay dhulka danta guud.
”Saaka waxaan burburinay dhismihii sharci darada ahaa ee laga dhisay garoonkii kooxda kubada cagta ee LLPP-Jeenyo, dhisme kasta oo sharci lagu dhisayna wadadan ayuu mari doonaa” ayuu yiri duqa Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
