Waxaa maanta looga dhawaaqay Magaalada Muqdisho liiska musharaxiinta xubnaha aqalka sare ee ka soo jeeda Somaliland, kuwaasoo ku tartami doona illaa 11 kursi.
Kursiga koowaad waxaa ku qoran Gudoomiyaha aqalka sare Cabdi Xaashi oo kaliya, mana jiraan musharaxiin kula tartamaya taasoo noqotay arrin ugub ah oo ku cusub doorashooyinka dadban ee Soomaaliya.
Maxamed Cabdi Xayir (Maareeye) Â Wasiirkii hore ee Warfaafinta Soomaaliya oo kamid ah siyaasiyiinta gobolada Waqooyi ayaa sheegay in Cabdi Xaashi maamuus ahaan loo siiyey kursigaas.
“Waxaa la waayey cid la tartanta, dadka la leh kursiga uu ku fadhiyo ee Aqalka Sare waxay go’aansadeen inaan lagula tartamin, isagana waxaa uu iska diiday in loo sameeyo musharax Malxiis ah ah” ayuu yiri Maareeye.
Haddii kursi Baarlaman loo xirayo Musharax waxaa caado ahaan jirtay in loo sameeyo Musharax Malxiis ah oo la tartama, balse kursiga Cabdi Xaashi ayaa noqday kursigii ugu horeeyey tartan la’aan qof loo magacaabay taasoo ka baxsan dhaqanka doorashooyinka.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/opOcRZ6l3aU
