Guddoomiyaha baarlamanka waqtigiisu dhamaaday ee Somalia Maxamed Mursal Shiikh C/raxmaan, Madaxweynaha Galmudug Qoorqoor iyo wasiiro ka tirsan xukuumada dhexe ayaa bilaabay dadaalo cusub oo xal loogfu raadinayo khilaafka ka dhex aloosan Madaxweyne Farmaajo iyo Ra’isul Wasaare Rooble.
Sida Wararku nagu soo gaarayaan Guddoomiye Mursal iyo Wasiirada ayaa marka hore la kulmay Madaxweyne Farmaajo, iyagoo sidoo kale kulan saacado socday la yeeshay Ra’iisul Wasaaraha.
Mursal iyo Qoorqoor ayaa markii dambe ku haray Ra’iisul Wasaaraha, waxaana kulanka ka baxay Wasiiradii kale oo qeybta ka ahaa dhexdhexaadinta
Waanwaanta cusub u kala dab-qaadida labada dhinac ayaa weli ah mid bilow ah oo illaa hadda aysan ka soo bixin wax natiijo ah, sida ay sheegayaan ilo ku dhow kulamada oo beri halkooda ka sii socon doona.
Xafiiska Shabakada Allbanaadir.com
Muqdisho Somalia
Allbanaadir@live.com
