Shacabka iyo Dowladda Mareykanka ayaa xusaya 20-sano guuradii ka soo wareegtay weeraradii maanta oo kale 11-kii September ee sannadki 2001-dii lagu qaaday magaalooyinka New York iyo Washington.
Weerarkaasi oo ay fulisay kooxda Al Qaeda ayaa noqday kii ugu xumaa ee noociisa oo kale ah ee ka dhaca dunida, taariikhdan casriga ah, waxana ku dhintay 2,996 oo qof.
Madaxweynaha Mareykanka Joe Biden oo ka hadlay xuska munaasabaddan ayaa ugu baaqay shacabka Mareykanka midnimo.
Maanta ayaa lagu wadaa in uu booqdo halkii ay ku ooli jireen labadii daarood ee mataanaha ahaa ee ahaa xaruntii ganacsiga aduunka ee magaalada New York. Sidoo kale, waxa uu booqan doonaa xarunta wasaaradda gaashaandhigga ee Pentagon ee ku taalla waqooyiga gobolka Virginia.
Dhammaan xarumahaasi ayaa waxaa lagu weeraray diyaarado ganancsi oo ay laheyd shirkadda American Airlines ee Mareykanka.
Weeraradii September 11 ayaa waxaa xigay dagaal uu Mareykanka ku qaaday dalka Afghanistan, kaasoo qaatay muddo labaatan sano ah.
Wasaaradda Difaaca Mareykanka ayaa sheegtay in Mareykanka ay dalka Afghanistan uga dhinteen 2,325 oo askari oo shacab kumanaan gaaraya oo reer Afghanistan ah.
Xafiiska Shabakada Allbanaadir.com
Muqdisho Somalia
Allbanaadir@live.com
