Wararka ka imaanaya magaalada Johannesburg ee dalka Koonfur Afrika ayaa sheegaya in kooxo hubeesan oon heebtooda la garan afduubteen ganacsade Soomaaliyeed oo caan ka ahaa magaaladaasi .
Burcada hubeesan oo gaari nuuca raaxada wadatay ayaa rasaas ku furay ganacsade Bukhaari Cali Daahir kadibna afduub u geestay xili uu ku sugnaa xaafada Bramley Park ee magaalada Johannesburg .
Ciidamada booliiska magaalada Johannesburg oo lagu war geliyay dhacdada afduubka ayaa bilaabay howlgalo ay ku baadi goobayaan kooxda burcada ee afduubka u geesatay ganacsadahan caanka ka ahaa dalka Koonfur Afrika.
Burcada afduubka u geesatay ganacsadaha Soomaaliyeed ayaa la sheegayaa in ay ku lug leeyihiin dhalinyaro Soomaaliyeed oo la shaqeesata Burcada kuwaa oo u far muuqa ganacsatada lacagaha heesata si looga qaado madax furasho.
Ganacsato Soomaaliyeed oo siyaabo kala duwan horey loogu afduubtay magaalooyinka Cape Town iyo Johannesburg ayaa horey looga bixiyay lacago badan oo madax furasho ah taa oo kordhisay afduubka ay geesanayaan burcada hubeesan.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/tNP208w6mXs
