Warar lagu kalsoonaan karo oon goordhaw helnay ayaa sheegaya in xarunta Villa Soomaaliya xiligan ka socdo kulan u dhaxeeya Madaxweynaha Waqtigiisa dhamaaday ee Farmaajo iyo Wakiilka Qaramada Midoobay u qaabilsan Soomaaliya James Swam.
Kulankan ayaa ah mid looga hadlayo xaalada siyaasadeed ee dalka gaar ahaan khilaafka xoogeestay ee xiligan u dhaxeeya Madaxweyne Farmaajo iyo Ra’isul Wasaaraha Soomaaliya Maxamed Xuseen Rooble.
James Swam oo wakiil uga ah kulankan wakiilada beesha Caalamka ayaana lagu soo waramayaa in Madaxweyne Farmaajo u gudbiyay aragtida beesha Caalamka ee khilaafka taagan iyo sida ay uga walaacsan yihiin sida xaalku ku socdo.
Beesha Caalamka ayaa walaac xoogan ka muujisay khilaafkan soo kala dhax galay Farmaajo iyo Rooble xili la gudaha galay doorashada, waxa ayna beesha Caalamka sheegeen in khilaafkan saameenayo geedi socodka doorashada.
Ra’isul Wasaaraha Soomaaliya oo shalay kulan la qaatay Wakiilada Beesha Caalamka ayaa dhankiisa kala hadlay khilaafka kala dhaxeeya Madaxweyne Farmaajo iyo sababaha keenay, waxa uuna beesha caalamka u sharaxay sida uu khilaafka u jiro iyo waxa sababay.
Beesha Caalamka ayaa horey uga caga jiideesay bixinta dhaqaalaha ku baxaya doorashada Soomaaliya ayaa hada khilaafkan soo kordhay laga yaabaa in xaalada sii murjiyo, lamana oga go’aanka beesha caalamka ka qaadan karto xaalada siyaasadeed ee hada taagan.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/4qillrEj3pM
