Madaxweyne Ku Xigeenka Dowladda Hirshabeelle Mudane Yusuf Axmed Hagar iyo wafdi uu hogaaminayo ayaa maanta soo gaaray Magaalada Jowhar Caasimada Dowlad Goboleedka Hirshabeelle.
Madaxweyne Ku Xigeenka oo wafdigiisa ay kamid ahaayeen Madaxweynihii hore ee Hirshabeelle Dr Cali Cabdullahi Cosoble, Gudoomiyihii hore ee gobolka Hiiraan C/fitaax Xassan Afrax Xildhibaano heer Federaal iyo Siyaasiyiin ayaa si Wayne loogu soo dhoweeyay Magaalada Jowhar.
Madaxweyne Ku Xigeenka Dowladda Hirshabeelle iyo Wafdiga uu hogaaminayay ayaa ugu dambeyn kulan la qaatay Madaxweynaha Dowladda Hirshabeelle Mudane Cali Guudlaawe Xuseen.
Waxaa uu kaga warbixiyay xaaladaha gobolka hiiraan gaar ahaan Magaalada Beleddweyne oo lagu qaban doono doorashada Golaha Shacabka ee Baarlamaanka JFS.
Xafiiska Shabakada Allbanaadir.com
Muqdisho Somalia
Allbanaadir@live.com
