Warar soo baxaya ayna tabinayaan warbaahinta qaar ayaa sheegaya in qaar kamid ah gaadiidkii dowlada Mareykanka siisay Ciidamadii bur burya ee dowlada Afganistan loo daadgureeyay Dalka Iran.
Sawiro lagu baahiyey Baraha Bulshada oo laga helay Iran ayaa muujinaya Taangiyo iyo Gaadiid Milliteri oo ay lahaayeen Ciiddanka Dowladii Afganistaan lagu arkay caasimada dalka Iran ee Tehran iyo magaalooyin kale.
Gaadiidkan ay lahaayeen milatariga Afganistan ee Iran loo qaaday ayaa u badnaa nuuca Gaashaaman ee Humvees uu Mareykanka siiyay ciidamada Afganistan, waxaa sidoo kale ku jiray taangiyo iyo gaadiidb kale oo nuuca ciidamada.
Muuqaalo lasoo duubay ayaana lagu arkayay gaadiidkan milatariga Afganistan lahaayeen oo dul saaran gaadiidkka xamuulka iyo gaadiidka lagu qaado oo kasii gudbaya Wadada isku xirta Semnan iyo Garmsar road ee aada magaalada Tehran .
Wasiirkii hore ee Difaaca ee Afganistan, Bismillaahi Maxamedi, oo sawiradan ku baahiyay bartiisa Twitterka ayaa ku tilmaamay dowlada Iran daris aad u xun, waxa uuna wax laga xumaado ku tilmaamay in sidaas u dhaqanto Iran.
Kooxda Talaibaan ayaa horey ula wareegtay gaadiidkii iyo hubkii ay lahaayeen ciidamada Afganistan, waxaana la isweediinayaa cida Iran gaadiidkan ku wareejisay, mana jiro wax war ah oo Iran kasoo saartay arintan lagu baahiyay warbaahinta iyo baraha bulshada.
Xafiiska Shabakada Allbanaadir.com
Muqdisho Somalia
Allbanaadir@live.com
