Baashe Cawil Xaaji Cumar oo dhawaan Madaxweynaha Somaliland Muuse Biixi Cabdi u magacaabay Wasiir kuxigeenka arimaha Dibadda Somaliland ayaa xilkaasi ka cudur daartay in uu qabto.
Qoraal uu soo saaray Baashe Cawil oo horey u ahaa Wakiilka Somaliland ee dalka Kenya ayuu ku sheegay in uu iska casilay xilka Wasiirnimo ee loo magacaabay iyo sidoo kale Wakiilninadii Kenya, waxa uuna ka codsaday Madaxweynaha in uu ka aqbalo is casilaadiisa.
Halkan ka Akhriso Qoraalka Baashe isku casilay
Mudane Madaxweyne anoo xiganaya Wareegtadaada summadeedu tahay
JSL/XM/XKQ/222/1-708/092021 kuna taariikhaysan 02/09/2021, waxaan halkan kuugu soo gudbinayaa qoraalkan aan iskaga casilayo xilka aad iigu magacawday Wasiir-Xigeenka Wasaaradda Arrimaha Dibedda iyo Iskaashiga Caalamiga ah, Sidoo kale waxaan iska casilay xilkii Wakiilnimada Xafiiska Somaliland Ee Dalka Kenya, kaas oo bishii August 13 2018 aad ii magacowday.
Waa sunnaha siyaasida in shaqada qaranku tahay qori isku dhiib, sidaad darteed sharaf weyn ayay ii ahayd xilka aan qarankankayga u hayay uguna addeegayay lixdii sanadood ee aan ahaa Wakiilka Somaliland u matalaya UAE iyo Kenya.
Ugu dambayntii waxaan rajaynayaa in aad iga aqbasho codsiga aan halkan kuugu soo gudbiyay.
ALLAA MAHAD LEH.
Baashe Cawil Xaaji Cumar.
