Wasiirka amniga ee dowlad goboleedka Galmudug Axmed Macalin Fiqi ayaa tilmaamay in Galmudug iyo Puntland ay isla meel dhigeen iskaashiga sidii loo soo afjari lahaa dagaalamayaasha Al-shabaab ee ku sugan deegaano ka tirsan Koofurta maamulka Galmudug.
Sidoo kale wuxuu sheegay in ciidamada Puntland iyo Galmudug ay ka wada go’an tahay la dagaalanka Al-shabaab oo u sheegay in awoodooda ay tahay mid aad u liidata.
“Degaano badan oo ka tirsan Koonfurta gobolka Mudug waxaa ka dhacay dagaalo Al-Shabaab looga dilay in ka badan 250 dagaalyahan, dhawaana waan la soo afjari doonaa dagaalada aan kula jirno” ayuu yiri Wasiir Fiqi.
Wasiirka amniga dowlad goboleedka Galmudug Axmed Macalin Fiqi ayaa u digay dadka shacabka ah ee ku nool degaanada hoos taga maamulkaas e lacagaha siiya Al-Shabaab oo uu sheegay in lala xisaabtami doono.
Xafiiska Shabakada Allbanaadir.com
Muqdisho Somalia
Allbanaadir@live.com
