Agaasimaha laanta sirdoonka Mareykanka ee CIA William Burns ayaa la sheegay inuu kulan qarsoodi ah magaalada Kabul kula yeeshay hogaamiyaha Taliban Cabdul Ghani Baradar sida uu qoray Wargeyska Washington Post
Saraakiil Mareykan ah oo codsaday in magacooda aan la shaacin ayaa waregeyska u sheegay in labada dhinac ay ka wada hadalleen arrimo ay ka mid ahaayeen waqtiga kama dambeysta ee ka bixitaanka Mareykanka ee dalka Afghanistan oo ku beegan 31-ka August.
Saraakiisha laanta sirdoonka Mareykanka ee CIA ayaa diiday in ay arrintan faahfaahin ka bixiyaan.
Talaabadan ayaa ku soo beegmaysa xilli shirka wadamada G-7 ay hogaamiyayaasha ku cadaadinayaan madaxwayne Joe Biden inuu dib u dhigo waqtiga ka bixitaanka ciidamada mareykanka ee dalka Afghanistan.
Kooxda Taliban ayaa ka digeysa in ka bixitaanka Maraykanka ee garoonka dayuuradaha Kabul ay dhaafto xiliga lagu heshiiyey ee ah 31-ka bishan, iyagoo sheegay in talaabadaas aysan aqbali doonin.
Xafiiska Shabakada Allbanaadir.com
Muqdisho Somalia
Allbanaadir@live.com
