Allbanaadir.com
HIRSHABELLENEWS

Siyaasi Caan ah oo bogaadiyay Ciidankii Badbaado ee qabsaday Baladweyne

Ciidamo hubeesan oo la baxay Badbaado Hiiraan ayaa xalay la wareegay qeybo kamid ah magaalada Baladweyne, ciidamadan ayaana kasoo horjeeda in magaalada uu yimaado Madaxweynaha Hirshabelle Cali Guudlaawe.

Siyaasiga Xildhibaan Cabdullaahi Goodax Barre ayaa bogaadiyay ciidamada Badbaado Hiiraan ee la wareegay magaalada Baladweyne,  waxa uuna sheegay ciidamaada magaalada qabsaday Baladweyne in ay muujiyeen geesinimo.

”Waxaan bogaadinayaa Ciidamada Badbaadada Hiiraan ee Ciidanka Xoogga Dalka Soomaaliyeed go’aanka geesinimada leh ee ay qaateen, isla markaana si nabaddoon ula wareegay magaalada Baladweyne.” ayuu yiri Goodax.

Xildhibaan Goodax ayaa sheegay in saraakiisha ciidanka qabsaday magaalada Badbaado ay yihiin halyeeyo kasbaday quluubta malaayiin qof, waxa uuna cadeeyay in shacabka Hiiraan aan la qasbi karin.

”Col. Abdullahi Barre iyo saraakiisha kalow waxaa tihiin halyeeyo u hiiliyay dalka iyo dadkooda, fahmayna masuuliyadda dhabta ah ee idinka saaran shacabka aad qoriga u qaadateen. Waxaad kasbateen quluubta malaayiin qof.” ayuu yiri Goodax.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Qarax dhimasho iyo dhaawac geystay oo ka dhacay garaash ku yaalla Muqdisho

Caydiid Ali

Dhaqtar loo heysto inuu laayey bukaano Boqol ka badan oo Maxkamad wajahaya (Daawo Sawirro)

Caydiid Ali

Kenya oo lumin doonto Jaziirada Lamu haddii Soomaaliya ku guuleysato Dacwada ICJ taala

Cabdi Cade
Taboola Ads ---