Agagaarka Buundada Anzaloti ee degmada Waaberi magaalada Muqdisho Labo qof ayaa ku naf waayay qof kalana waa ku dhaawacmay kaddib markii uu fariinka goostay Gaari nuuca daabulada Ardayda ah, (School Bus).
Gaariga ayaa ka soo fariin goostay dalcadda ka timaada dhanka Isgoyska dabka isagoo dulmaray qaar ka mid ah dadkii ku sugnaa wadada hareeraheeda ugu dambeyna waxaa uu gudaha u galay guri ay daggan yihiin dad shacab ah.
Xiliga uu shilka galayey gaarigan waxaa la socday arday fara badan oo ka soo rawaxay goobtooda waxbarasho, inkastoo aan la sheegin dhibaato ardayda soo gaartay marka laga reebo khal khal ka dhashay shilkaas.
Dadka degaanka ayaa iskugu soo baxay goobta uu shilku ka dhacay, kuwaasoo iskugu jiray dad soo u gurmaday dadka waxyeeladu soo gaartay iyo qaar soo eegayey sida ay wax u dhaceen.
Xafiiska Shabakada Allbanaadir.com
Muqdisho Somalia
Allbanaadir@live.com
