Haweeney u dhalatay dalka Afganistan kana mid aheyd dadkii ka baxsaday dalkaasi markii Taalibaan qabsadeen ayaa ku dhax umushay Diyaarad ee leeyihiin Milliteriga dalka Mareykanka oo nooceedu ahaa C-17.
Qoraal kasoo baxay taliska guur guura ee hawada Mareykanka, ayaa lagu sheegay in haweeneydan iyo qoyskeedu ka safrayeen Bariga Dhexe kuna sii jeeday saldhiga cirka ee Ramstein ee Jarmalka ay qabatay foosha ayna ku dhax umushay diyaarada.
Markii foosha qabatay haweeneydan ayaa la sheegay in taliyaha diyaaradda amray in hoos loo dhigo joogga ay ku duuleysay diyaaradda, si loo kordhiyo cadaadiska hawada ee diyaaradda, taasoo gacan ka geysatey xasilinta iyo badbaadinta nolosha hooyadan.
Diyaarada ayaa markii ay ku degtay saldhiga milatari waxaa hooyada iyo cunugeeda lagu wareejiyay dhaqaatiir xaaladood la tacaalay, waxaana la sheegay in xaalada hooyada iyo gabadha ay dhashay aad u wanaagsan yihiin.
https://www.youtube.com/watch?v=VfJyn_xBzEA
Xafiiska Shabakada Allbanaadir.com
Muqdisho Somalia
Allbanaadir@live.com
