Mid ka mid ah Aasaasayaasha kooxda Taliban ahna hogaamiye ku-xigeenka Mullah Abdul Ghani Baradar ayaa gaaray caasimada Afghanistan ee Kabul.
Sarkaal sare oo ka tirsan Taliban ayaa u sheegay wakaaladda wararka ee AFP in Baradar uu la kulmi doono hoggaamiyeyaasha jihaadka iyo siyaasiyiinta si loo dhiso dowlad loo dhan yahay.
Baradar, oo sidoo kale ah madaxa xafiiska siyaasadda kooxda ee Doha, ayaa Talaadadii gaaray Afghanistan isagoo ka degay magaalada Kandahar.
Waa hogaamiyaha ugu sareeya ee Taliban ee hadda dalka ka jira waxaana loo badinayaa inuu noqon doono hogaamiyaha dowlad ay soo dhisi doonaan Taliban.
Dhinaca kale, Madaxweynihii hore ee Afghanistan Hamid Karzai iyo guddoomiyaha golaha sare ee dib-u-heshiisiinta Qaranka Abdullah Abdullah, oo isbahaysi la ah madaxweynaha is-musaafuriyay ee Ashraf Ghani, ayaa ka mid ahaa madaxdii shalay la kulantay hoggaamiyeyaasha Taliban.
Xafiiska Shabakada Allbanaadir.com
Muqdisho Somalia
Allbanaadir@live.com
