Xoghayaha guud ee Qaramada Midoobey Antonio Guterres ayaa mar kale ku baaqay in xabad-joojin deg deg ah laga dhaqan geliyo gobolka Tigray ee woqooyiga dalka Itoobiya, halkaasoo ciidamada dowladda iyo xoogaga TPLF ay ku dagaallamayaan.
Kumanaan qof ayaa colaadda dalka Itoobiya ku barakacay, halka boqolaal kun oo kale ay wajahayaan gaajo iyo Cunto la’aan
Guterres ayaa xaaladda ka jirta gobolkaasi Tigray ku tilmaamay cadaab, wuxuuna sheegay in hay’adaha samafalku ay u baahan yihiin in shuruud la’aan loo ogolaado inay gobolkaasi ka hawlgalaan.
Guterres ayaa sheegay in awood milatari aan marnaba lagu xallin karin colaadda gobolkaasi ee ku fidday gobollada deriska ah.
Dowlada Itoobiya ayaa ku dhawaaqday xabad joojin hal dhinac ah, bilo ka hor hase ahaatee Jabhada Tigray ayaa ku gacan seyrtay, taasoo sababtay in dagaalku sii socdo.
Xafiiska Shabakada Allbanaadir.com
Muqdisho Somalia
Allbanaadir@live.com
