Taliyaha Booliska Gobalka Bari ee Puntland G/Sare Xuseen Cali Max’uud ayaa beeniyey warar lagu faafiyey baraha bulshada oo sheegayay in dadka soo xagaa noqonaya ee imaanaya Magaalada Bosaaso in kontarolka lacag looga qaadayo si ay iskaga baaraan xanuunka Karona.
G/Sare Xuseen Cali Maxamuud ayaa sheegay in arintaasi aysan waxba ka jirin Ummadana lagu jahwareerinayo dadka lagu helo iney beentaas faafiyeen talaabo cad laga ka qaadi doono.
“Ma jirto wax lacag ah oo dadka looga qaado baraha kontrol ee laga soo galo Boosaaso si ay iskaga baaraan Korona” ayuu yiri taliyaha.
Hadalka Taliyaha Qeybta Booliska Gobalka Bari ee Puntland G/Sare Xuseen Cali Maxamuud ayaa waxaa uu kusoo aadayaa xilli Ciidamada booliska Goblka Bari ay Baraha Koontorool ee Magaalada Boosaaso ku baaraan dadka iyo Gaadiidka soo galaya Magaalada.
Xafiiska Shabakada Allbanaadir.com
Muqdisho Somalia
Allbanaadir@live.com
