Dabley bastoolado ku hubeysan ayaa caawa fiidnimadii dil u geystay gudoomiyihii degmada Bali-dhidin ee gobolka Bari sida ay sheegayaan wararka halkaas naga soo gaaraya.
Marxuum Maxamed Axmed Muumin ayaa waxaa rasaas ku furay rag ku hubeysnaa bastoolado oo ku sugayey banaanka hore ee masaajid ku yaalla degmadaas oo uu salaada cishaha ku soo tukaday.
Goob joogayaal ayaa sheegay in marxuumka uu isla goobta ku dhintay, iyadoo ay baxsadeen raggii dilka geystay.
Lama oga cida ka dambeysay dilkan inkastoo loo badinayo iney fuliyeen kooxo ka tirsan Daacish oo ku sugan meelo aan ka fogeyn degmada degmada Bali-dhidin
Ciidamadii Puntland ee degaankaas ku sugnaa ayaa la sheegay iney isaga tageen maalmo ka hor, sababo aan la ogeyn awgood sida ay ku warameen dadka degaanka.
Xafiiska Shabakada Allbanaadir.com
Muqdisho Somalia
Allbanaadir@live.com
