Dowlada Soomaaliya ayaa maanta lagu wareejiyay gaadiid nuuca gaashaaman ,kuwa ciidamada qaada iyo booyado oo loogu tala galay in ay ku howlgalaan ciidamada kumaandooska Soomaaliya gaar ahaan kuwa Gor Gor oo tababartay dowlada Turkiga.
Gaadiidkan gaashaaman oo ah kuwa casri ah waxaa dowlada Soomaaliya ku wareejisay dowlada Turkiga, waxaana gaadiidkan la wareegay Wasaarada Gaashaandhiga iyo taliska ciidanka milatariga Soomaaliya
Ciidamada Kumaandooska ee Gor Gor ayaana gaadiidkan si gaar ah ugu howlgali doona, waxaana saraakiisha ciidamada sheegeen in gaadiidkan loo adeegsan doono dagaalka ka dhanka ah kooxda Al Shabaab.
Dowlada Turkiga ayaa tababaro iyo taageero dhinacyo badan ah siisa ciidanka dowlada Soomaaliya gaar ahaan kuwa ay sida gaarka ah u tababaraan ee Gor Gor iyo kuwa booliiska ee Haramcad.
Xafiiska Shabakada Allbanaadir.com
Muqdisho Somalia
Allbanaadir@live.com
