Ugu yaraan 8 qof ayaa ku dhintay, laba kalena way ku dhaawacmeen gaari ay la socdeen dad rayid ah oo qarax uu ku qabsaday deegaanka Bacaadweyne ee gobolka Mudug.
Dadka dhintay ayaa waxaa ka mid ah saddex caruur ah, oo da’dooda la sheegay inay u dhaxeyso saddex illaa shan sano jiro.
Dhinaca kale, gaari ay wateen dhallinayaro ka ganacsata qaad oo ku sii jeeday degaanka Camaara ayaa la soo warinayaa in isna uu qarax uu haleelay, waxaana wararku ay shegayaan in saddex qof oo mid ay tahay hawenay ay ku dhawacmeen qaraxaas.
Degaanadan ayaa dhawaan laga saaray Al-Shabaab, waxaana muddoyinkaan ka socday howlgallo ka dhan ah kooxdaas oo ay wadeen ciidamada xoogga dalka iyo kuwa Galmudug
7-dii bishan ayey aheyd markii qarax lala eegtay kolonyo gaadiid ah oo uu la socday taliyaha ciidanka dhulka Gen. Maxamed Tahliil Biixi, oo ku sii jeeday isla deegaanka Qeycad ee gobolka, halkaasoo askari uu ku dhintay, shan kalena ay ku dhaawacmeen.
Xafiiska Shabakada Allbanaadir.com
Muqdisho Somalia
Allbanaadir@live.com
