Dagaalyahanada Al Shabaab ayaa fagaare kuyaala degmada Kamsuuma oo ka tirsan Gobolka Jubbada Hoose ku toogtay sadex nin oo lagu eedeeyay in ay katirsanaayeen ciidanka dowlada iyo kuwa maamulka Jubbaland.
Fagaaraha Xukunka dilka ah lagula fulimayay sadexda nin ayaa waxaa isiugu soo baxay dadweyne badan oo degan Kamsuuma iyo sidoo kale saraakiil iyo dagaalyahano katirsan kooxda Al Shabaab
Qaadiga Maxkamada Al Shabaab oo ka hadlay fagaaraha xukunka dilka ah lagu fulinayay ayaa sheegay in sadexda nin ee xukunka dilka ah lagu fuliyay katirsanaayeen ciidamada dowlada iyo kuwa Jubbaland .
Saddexda Ruux ee Al-Shabaab toogteen ayaa magacyadooda lagu kala sheegay Bashiir Cabdow Cali & Maadeey Cali Maamow oo ka tirsanaa Ciidanka Millateriga Soomaaliya iyo Cabdirashiid Shukri Sheekh Cabdi oo ka tirsanaa Ciidanka Jubbaland.
Al Shabaab ayaa marar badan xukuno dil ah ku fulisay rag ay ku eedeesayt in ay katirsanaayeen ciidanka dowlada iyo kuwa maamulada hoostaga DF iyo dad kale ay ku eedeyeen in ay basaasiin ahaayeen.
Xafiiska Shabakada Allbanaadir.com
Muqdisho Somalia
Allbanaadir@live.com
